Селекторот на српската фудбалска репрезентација Драган Стојковиќ Пикси ќе остане на таа функција до понатамошно известување, што денеска и официјално беше потврдено на седницата на извршниот комитет на Фудбалскиот сојуз на Србија.

Иако практично цела нација ја чекаше веста за селекторската смена по дебаклот на „орлите“ на ЕП во Германија, Драган Стојковиќ, кој во својот мандат ја водеше Србија на две големи натпреварувања, сепак остана на својата функција и ќе ја предводи српската репрезентација за претстојниот циклус во Лигата на нации.

Во групата „Ц“ на ЕП најдобрите српски фудбалери единствено минимално загубија од Србија, а ремизираа против Данска и Словенија што не беше доволно за пласман во следната фаза и на крајот беше освоено последното четврто место на конечната табела.

„По деталниот извештај на селекторот на „А“ репрезентацијата на Србија за учеството на Европското првенство во Германија, потврдена е довербата и максимална поддршка за Драган Стојковиќ во исполнувањето на следните цели со кои се соочува најдобрата репрезентација, која е претстојниот циклус игри во Лигата на нации, каде акцент ќе биде ставен на тренинзите и подготовката на тимот за квалификациите кои носат пласман на Светското првенство во САД, Мексико и Канада во 2026 година – пишува на веб-страницата на ФСС.

Да потсетиме, Пикси го продолжи договорот на крајот на мај оваа година, па најверојатно ќе биде таму и на следното Светско првенство кое е закажано за 2026 година.

?? После детаљног извештаја селектора „А” репрезентације Србије о учешћу на Европском првенству у Немачкој, потврђено је поверење и дата максимална подршка Драгану Стојковићу у испуњавању наредних циљева који се налазе пред најбољим националним тимом наше земље, а то је… pic.twitter.com/XAkHK2i4i8

— Fudbalski savez Srbije | FA of Serbia (@FSSrbije) July 12, 2024