Дончиќ продолжува да блеска во Токио, САД го елиминира светскиот шампион
Кошаркарската репрезентација на САД од натпревар во натпревар игра се подобро на Игрите во Токио и ќе се бори за медал откако во четвртфиналето со 95:81 го совлада актуелниот светски шампион Шпанија.
„Фуријата“ подобро го отвори натпреварот, во поголем дел од првата четвртина беше во водство, а со серијата од 10:0 дојде и до предност од 39:29, но кошаркарите на САД до полувремето успеаја да дојдат до израмнување и го најавија пресвртот кој следеше во вториот дел.
Во второто полувреме, Американците заиграа далеку подобро во одбраната, а почнаа да ги погодуваат шутевите од дистанца. Предводени од Кевин Дурент, кошаркарите на САД направија серија од 19:6 и пред крајот на третата четвртина дојдоа до предност од 16 поени (65:49).
Препорачано
-
1
-
2
-
3
It’s on to the #Tokyo2020 semifinals! @KDTrey5 29 PTS @jaytatum0 13 PTS
?? #USABMNT #Basketball pic.twitter.com/73iUQU9WH5
— USA Basketball (@usabasketball) August 3, 2021
Одговорот на Шпанците дојде преку Рики Рубио кој постави личен рекорд од 38 поени на Олимписките игри и намалија на 69:65. Но, кога сите помислија дека победникот ќе се решава во неизвесна завршница, одговорот на „дрим-тимот“ беше фуриозен, серија од 11:1 за водство од 81:66.
Кевин Дурент со 29 поени беше најпрецизен во тимот на САД, а се истакнаа и Џру Холидеј со 12 и Демиен Лилард со 11 постигнати поени, додека кај Шпанија освен Рубио кој даде 38 поени, расположен за игра беше уште Серхи Родригес со 16 поени. САД во полуфиналето еќ игра со подобриот од натпреварот помеѓу Австралија и Аргентина.
Top 4 in the world, a country of 2M people! What a feeling! ??????❤️❤️❤️ #mislovenci pic.twitter.com/bK0woXuDRT
— Luka Doncic (@luka7doncic) August 3, 2021
Пласман во полуфиналето обезбеди и селекцијата на Словенија која со 94:70 ја совлада Германија.
Словенечките кошаркари до триумфот дојдоа релативно лесно, уште во првата четвртина направија двоцифрена предност, а на секој обид на Германците резултатски да се вратат во игра, одговараа Дончиќ и Драгиќ. На крајот, Словенија победи со 24 поени разлика, а најефикасен беше Зоран Драгиќ со 27 постигнати поени, Лука Дончиќ одигра одлично со 20 поени, 11 асистенции и осум скокови, Мајк Тоби имаше дабл=дабл од 13 поени и 11 скокови. Кај Германија, Маодо Ло постигна 11 поени.
Словенија во полуфиналето ќе игра со подобриот од дуелот помеѓу Италија и Франција.
