Италијанецот Доминик Парис (35) победи на првата од двете трки во спуст во Светскиот куп во алпско скијање во Квитфјел, Норвешка.

Париз ја оствари својата 19 победа во спуст, но прва по 14 месеци.

Ова е петта победа на Парис во Квитфјел, а четврта во спустот на оваа локација. Со 19 победи се израмни со Софија Гоџо на вечната листа на најдобри италијански скијачи.

Водечкиот во генералниот пласман во спуст, Швајцарецот Марко Одермат беше на второто место (+0,32), а Рогентин се најде на на третото место (+0,63), исто така од Швајцарија.

Денешниот спуст беше замена за откажаниот, кој требаше да се одржи во Гармиш-Партенкирхен. Во сабота следува уште еден спуст, а во недела е закажан супер-Џи.