Кантри пејачката Доли Партон (77) во својата книга „Behind the Seams: My Life in Rhinestones“ признала дека повеќе од 40 години спие со целосна шминка за во секој момент да биде подготвена за камерите.

„Кога дојдов во Лос Анџелес во 80-тите, почнав да спијам со шминка , делумно поради земјотресите. Не сакам да излезам на улица без шминка“, напишала Доли.

Иако многу дерматолози не би се согласиле со Доли, таа со децении стои на нејзината филозофија.

„Не е важно кога го чистите лицето, важно е тоа да го направите барем еднаш во денот“, смета Доли.

Таа откри дека тоа го прави делумно и поради нејзиниот сопруг Карл Томас Дин, со кој е веќе 50 години.

„Не сакам да изгледам како вештерка пред него“, изјавила Доли.

На тој начин таа стана препознатлива по својот секогаш негуван изглед, а кажа и дека сакала да се дотерува уште од мало девојче, но бидејќи пораснала во сиромашно семејство во Тенеси, немала секогаш пари за шминка.

„Користев кибритчиња за потемнување на веѓите и бобинки за моите усни“, вели таа.

ВИДЕО | Рокенрол уживање: Доли Партон ја преработи „Let it Be“ со Пол Макартни и Ринго Стар

ФОТО | Кантри кралицата Доли Партон одби да биде дел од Рокенрол куќата на славните: Не припаѓам таму!