Се слави пласманот во големото финале од плеј-офот за пласман на наредното Европско првенство после триумфот во Скопје против Косово (2:1).

Последен ривал на патот кон континенталниот собир на македонската А репрезентација е Грузија која вчера ја елиминираше Белорусија.

Доколку на 12 ноември 2020 година на гостувањето во Тбилиси триумфираме против Грузијците, на ЕП ќе бидеме сместени во групата „Ц“ со селекциите на Австрија, Холандија и Украина.

Натпреварите во таа група ќе се играат во две земји, поточно Букурешт (Романија) и Амстердам (Холандија).

Среќен од пласманот во финалето на Лигата на нации (Лига „Д) секако е и играчот на Лидс јунајтед, Езџан Алиоски:

– ФИНАЛЕ! Само уште една победа за сонот! – напиша Алиоски на Инстаграм.