Претседателот на Република Српска Милорад Додик денеска во седиштето на Владата на Република Српска во Источно Сараево разговараше со амбасадорите на Групата пријатели на Западен Балкан, амбасадорите на Словачка, Словенија, Грција, Хрватска, Чешка, а вршителот на должноста на амбасадите на Австрија и Италија за актуелната политичка ситуација во БиХ и во оваа прилика порача дека само дејтонска и уставната БиХ можат да бидат дел од Европската унија.

Додик на средбата посочил дека Република Српска останува во позиција да ги штити своите права и автономија и оцени дека во БиХ под превезот на евроинтеграциите се промовираат концепти кои се неодржливи и невозможни во земјата и дека да доведе до целосна централизација за која се залагаат Бошњаците, пренесува Taнјуг. 

Тој нагласи дека последниот извештај на Европската комисија за БиХ е „полн со невистини“ и затоа е вратен назад и додаде дека станува збор за понижување на Република Српска и дејтонска БиХ, како што е соопштено, со лажни тврдења и неправедно етикетирање на Република Српска како главен виновник.