Иако се стравуваше дека Роналд Араухо ќе мора да отсуствува три до четири недели, уругвајскиот фудбалер веќе е подготвен да се врати во тимот.

Стоперот заработи повреда на скочниот зглоб на гостувањето кај Севиља минатиот викенд, но денеска тренираше со тимот и во понеделник ќе биде во составот против Рајо Ваљекано.

– Араухо почна нормално да тренира и ќе биде во составот против Рајо Ваљекано – потврди Флик.

Сега надвор од терените се само долгогодишните повредени Марк-Андре Тер Штеген, Марк Бернал и Андреас Кристенсен.

Останува да се види кој ќе биде сега изборот на Флик во одбраната, бидејќи сите четворица централни бекови сега се на располагање и сите се во добра форма – Кубарси, Иниго Мартинез, Ерик Гарсија и повратникот Роналд Араухо.

За потсетување, доколку Барса го победи Рајо Ваљекано во понеделник од 21 часот, ќе го заземе првото место на табелата, откако Реал и Атлетико ремизираа со Осасуна, односно Селта во саботата.