Шкендија која беше елиминирана во првото квалификациско коло во Лигата на шампионите, меѓународниот настап го продолжува во новоформираната УЕФА Конференциска лига.

Денеска тетовските „црвено-црни“ со жрепка во Нион го дознаа потенцијалниот противник во третото квалификациско коло во Конференциската лига.

Доколку во втората рунда играчите на Ернест Ѓока ја елиминираат летонската Рига, во следната фаза ќе се соочат со подобриот од пресметката Фолгоре (Сан Марино) и Хибернианс (Малта).

Шкупи кој успешно стартуваше во КЛ совладувајќи го Лапи од Косово, во второто коло ќе ги одмери силите со Санта Клара.

Доколку фудбалерите на Гоце Седлоски бидат поуспешни во двомечот со португалскиот претставник, во третото коло ќе играат со Олимпија Љубљана (Словенија) или Биркиркара (Малта).

Натпреварите од второто квалификациско коло ќе се играат на 22 и 29 јули, а дуелите од третото квалификациско коло се закажани за 5 и 12 август.

ЛШ: Адеми и Ристовски во третото квалификациско коло против Легија или Флора Талин