Кон крајот на месецот нè очекува важен астролошки период, а тоа е Младата Месечина во Риби на 28 февруари, која симболизира нов почеток. Младата месечина ќе ја почувствуваат сите хороскопски знаци, особено Скорпијата, Рибите и Ракот.

Младата месечина во Риби ја носи моќната енергија на новите почетоци, но на суптилен, интуитивен и интроспективен начин. Рибите се знак на соништата, потсвеста, емоциите и духовноста, така што овој лунарен циклус носи можност за подлабоко разбирање на сопствените чувства и внатрешен свет.

Има потреба од повлекување, имагинација, медитација и внатрешна работа, бидејќи границите помеѓу реалното и имагинарното се нејасни. Ова е време кога инспирацијата доаѓа преку интуиција, соништа и знаци од универзумот, а оние кои се поврзани со нивниот внатрешен глас можат да добијат важни сознанија и пораки.

Емоциите може да се засилат, а емпатијата да достигне врв, што може да доведе до чувство на преосетливост, но и до поголемо разбирање на другите. Креативноста цвета, така што ова е идеално време за уметници, писатели, музичари и секој што се занимава со креативно изразување. Љубовта и меѓучовечките односи можат да станат подлабоки, но и поконфузни, бидејќи Рибите носат склоност кон идеализација и илузии.

Неопходно е да се обрне внимание на реалноста и да не се препуштате целосно на фантазии кои можат да доведат до разочарување. Ова е совршено време да поставите нови намери поврзани со духовен развој, простување, исцелување и ослободување од минатото.

Може да има и потреба да се избега од реалноста. Најдоброто нешто што треба да направите во овој период е да ја слушате вашата интуиција, да работите на емоционално и духовно исцелување и да се откажете од се што повеќе не служи за цел.