Во второто коло од лигашката фаза во Лигата на Европа, фудбалерите на Динамо Загреб вечерва го совладаа Макаби Тел Авив, со резултат од 3:1.

Израелските клубови ги играат своите домашни натпревари надвор од својата земја поради воено-политичката ситуација. Така, Макаби го пречека Динамо во Србија, поточно во Бачка Топола на стадионот на ТСЦ.

Макаба добро го отвори натпреварот и поведе со 1:0 во 14-тата минута со голот на Абу Фархи. Сепак, тоа некако ги налути „сините“ и потоа на теренот како да играше само еден тим.

Хрватскиот гигант брзо стигна до израмнување, а Лисица постигна убав гол во 16 минута за резултат 1:1. Брзиот пресврт на Динамо го направи Љубичиќ со гол во 19 минута за 2:1, а асистент беше Валинчиќ.

Динамо влезе на полувреме со водство од 2:1. Во продолжението, Динамо изгледаше подобро, пропушт неколку можности во почетните минути од второто полувреме.

Сепак, во 72 минута, Љубичиќ повторно стапи на сцена, откако го постигнува својот втор гол за 3:1, асистент сега беше Бељо.

По третиот гол, Динамо ја смири играта, држејќи сè во свои раце до крајот на мачот и заслужено победи со 3:1. По две кола од лигата на Лигата на Европа, Динамо има шест бода, додека Макаби остана на еден бод.

Македонскиот репрезентативец Бојан Миовски го одигра целото второ полувреме за шкотскиот Ренџерс кој загуби со 2:1 на гостувањето кај австрискиот Штурм.

Лига Европа, резултати:

Базел – Штутгарт 2:0
Селта Виго – ПАОК 3:1
Порто – Црвена звезда 2:1
Феенорд – Астон Вила 0:2
Генк – Ференцварош 0:1
Лион – Салцбург 2:0
Макаби Тел Авив – Динамо Загреб 1:3
Нотингем – Митјиланд 2:3
Штурм Грац – Ренџерс 2:1