Разни шпекулации се вртат низ медиумите за можните санкции кои ги добил хрватскиот шампион Динамо Загреб на македонскиот репрезентативец Стефан Ристовски по ужасните вести од Атина и смртта на навивачот на АЕК кој беше убиен од хулигани на Динамо.

За денеска од 20.45 часот беше закажан првиот натпревар од третото квалификациско коло во Лигата на шампионите во Атина помеѓу АЕК и Динамо, но истиот е одложен, по одлуката од УЕФА.

Хрватските медиуми пишуваат дека иако Динамо не е организатор на првиот натпревар, ниту нередите се случија на стадионот, УЕФА поради историјата на дивеењето на „Бед Блу Бојс“, може да ги донесе баш сите одлуки, па дури и да го исфрли Динамо од Европа.

Тие одлуки ги носат луѓе од администрацијата, кои не беа на терен, а патем, тоа не е ситуација која би ја нарушила регуларноста на натпреварувањето. Од друга страна Грците не веруват во исфрлување на Динамо од европските клупски натпреварувања.

– Најверојатното сценарио е првиот натпревар да се игра на 15 август, за кога е планиран реваншот, а вториот меч да се игра во петок на 18 август или во сабота на 19 август. Во кој и од двата дена би се одиграл возвратниот дуел, извесно е дека првиот натпревар на АЕК во грчкото првенство, кој треба да започне викендов, ќе биде одложен – пренесуваат тамошните медиуми.