Не се смируваат тензиите по инцидентот помеѓу навивачките групи на АЕК и Динамо Загреб во кој животот го загуби 29-годишниот Михалис Кацурис.

Нивната пресметка е главна тема во европските медиуми, а денес со соопштение за првпат се огласија и од Динамо.

Од Динамо го обвинија грчкиот клуб дека ја користи трагедијата и смртта на младиот навивач за да профитира.

„ГНК Динамо во повеќе наврати јасно, недвосмислено, јавно и жестоко ги осуди нередите кои, за жал, резултираа со смртен случај. Насилството нема место во цивилизираното општество и ние секогаш ќе се бориме за вистинските вредности, што ги промовира нашиот клуб и искрено сакаме да веруваме дека нашиот ривал АЕК споделува слични ставови. Жал ни е што АЕК бега од одговорност со своите изјави и однесување, крева тензии и употребува несоодветен, агресивен и провоцирачки речник во официјалните соопштенија со цел притисок врз УЕФА.

Посебно е несфатливо што без никакво двоумење се обидува да искористи човечка трагедија за сопствена промоција и резултатот покажува отсуство на елементарна пристојност, емпатија и почит кон жртвата. Ваквиот пристап го сметаме за несоодветен, особено затоа што на сите, освен на претставниците на АЕК, им е јасно дека ГНК Динамо направи се што е во негова моќ да не дојде до оваа ситуација. За сите настани во Грција, најголема одговорност сносат организаторите, односно грчката полиција и АЕК како клуб домаќин“, стои во помеѓу другото во соопштението од клубот од Загреб.

Целото соопштение од хрватскиот гигант можете да го прочитате – ТУКА.

ФОТО+ВИДЕО: Фудбалерите на АЕК му оддадоа почит на убиениот навивач

ФОТО: Поранешен босански репрезентативец ги поддржа хулиганите на грчкиот АЕК

Градоначалниците на Атина и на Загреб со заедничка порака по инцидентот: Насилството нема националност!

Сведоштво на девојка која бегала со убиениот Михалис: Се што сакам е да врескам од бес, дојдоа тука да убиваат

Ниту Хрватите не поминале лесно: Најмалку тројца навивачи на Динамо имале убодни рани