Димитров го остави Ѓоковиќ на првото место на АТП ранг-листата
Бугарскиот тенисер Григор Димитров приреди вистинско изненадување во осминафиналето на Мастерсот во Индијан Велс победувајќи го првиот носител Данил Медведев и го остави Новак Ѓоковиќ на првото место на АТП ранг-листата.
Препорачано
-
1
-
2
-
3
Димитров славеше со 4:6,6:4,6:3 и тоа со пресврт. Медведев со брејк на почетокот од мечот го доби првиот сет, а во вториот сет имаше предност од 4:1 и кога изгледаше дека рутински ќе дојде до победата, се случи неверојатен пад во играта на Русинот.
Димитров освои осум гема по ред, а 10 од наредните 11 и дојде до голема победа над Медведев.
Во четвртфиналето во Индијан Велс се пласира и Александер Зверев кој за нешто повеќе од еден час игра со 6:1,6:3 го победи Гаел Монфилс и во следната рунда ќе игра против Тејлор Фриц кој пак беше подобар од Италијанецот Јаник Синер со 6:4,6:3.
Третиот носител Стефанос Циципас исто така се пласира во осминафиналето откако во 6:7,7:6,7:6 беше поуспешен од Алекс де Минор.
