Македонскиот кошаркар Ненад Димитријевиќ вчера одигра фантастичен натпревар во дресот на Уникс постигнувајќи 40 поени во победата над ЦСКА со која неговиот тим се врати на првото место пред плеј-офот.

ЦСКА немаше решение за македонскиот репрезентативец кој по најдобриот натпревар во кариерата остана скромен.

„Мојата цел е да помогнам тимот да победи. Имавме три порази во низа и ни требаше победа за позитивна атмосфера пред плеј-офот. За нас ова беше голема победа, цела сезона се боревме да дојдеме до овој момент и да бидеме први. Пресреќен сум што станав дел од клупската историја на Уникс. Верувам дека со се што прикажавме во сезоната го заслуживме првото место. Во плеј-офот се започнува од почетокот“, изјави Димитријевиќ.