Кошаркарите на Уникс Казан ги одржуваат надежите во финалната серија од ВТБ лигата откако денеска на гостински терен во Москва ја совладаа ЦСКА со 96:80.

И во овој натпревар блескаше македонскиот репрезентативец Ненад Димитријевиќ кој беше најзаслужниот за триумфот на Уникс.

Нашиот плејмејкер за скоро 30 минути на паркетот запиша 30 поени, девет асистенции и три скокови.

На спротивната страна прв стрелец беше Мело Тримбл со 16 поени

Во следниот меч Уникс ќе биде домаќин и ќе ја пречека ЦСКА Москва на 5 јуни.