Уживањето во слатки со висок процент на маснотии може да биде примамливо, но од клучно значење е да бидете свесни за потенцијалните здравствени последици што овие десерти можат да ги донесат со себе.

Некои десерти особено се истакнуваат како виновници за поттикнување на воспаленијата и скоковите на шеќерот во крвта поради нивниот висок удел на масти. Нутриционистката Лиза Ричардс и диететичарката Жанет Џакинто открија три такви задоволства, пишува „Ши фанјдс“ (She Finds).

Крофни

Крофните, иако се вкусни, можат да имаат штетни ефекти на здравјето поради високата содржина на шеќер и рафинираното брашно. Редовното консумирање може да доведе до воспаленија во телото, бидејќи високиот внес на шеќер е поврзан со зголемени нивоа на воспалителни маркери.

Ричардс тврди дека нивното исфрлање од исхраната може да биде добро за намалување на воспаленијата и стабилизирање на нивоата на шеќер во крвта.

– Крофните обично се прават од рафинирано пченично брашно и се полни со шеќер, што предизвикува брзо зголемување на нивото на гликоза во крвта кога се консумираат. Овој ненадеен скок на шеќерот во крвта предизвикува зголемување на инсулинот за регулирање на нивото на шеќерот, што долгорочно може да биде штетно за телото и да доведе до отпорност на инсулин (инсулинска резистенција) – објаснила таа за „Ши фајндс“.

Колачи од различни видови тесто

Колачите можеби ни носат моментално задоволство, но не треба да го занемариме нивното влијание врз воспаленијата и нивото на шеќер во крвта. Тие се преполни со рафинирани шеќери, нездрави масти и преработени брашно, што може да придонесе за проблеми како што се дебелеење и да предизвикаат воспалителни реакции во телото.

– Колачите се воспалителни и штетни за здравјето на цревата поради високата содржина на шеќер и рафинирано брашно – предупредува Ричардс.

Овие состојки придонесуваат за брзи скокови на шеќерот во крвта, го потикнуваат ослободувањето на инсулин и потенцијално предизвикуваат хронично воспаление.

– Прекумерното консумирање шеќер може да претставува значителни здравствени ризици, дури и да придонесе за таложење на маснотии на стомакот – истакнала таа.

Пити

Иако слатките пити се одлично задоволство за речиси секоја пригода, комбинацијата од слатки филови и кори од рафинирано брашно може да предизвика скокови на шеќерот во крвта.

Со текот на времето, честото консумирање пити може да го оптовари инсулинскиот одговор на телото, потенцијално доведувајќи до инсулинска резистенција и воспаленија.

– Корите за пити се прават со голема количина путер, па затоа не се најдобрата опција за оние коишто се обидуваат да ослабат. Исто така, тие се прават од брашно што се разградува во шеќер, а филот е често многу сладок, што може да придонесе за скокови на шеќерот во крвта – заклучува Џакинто.