Аргентинскиот фудбалски репрезентативец Анхел Ди Марија се соочува со смртни закани и доби застрашувачки пораки во неговиот роден град Росарио, само неколку дена откако изјави дека би сакал таму да ја заврши кариерата.

Ди Марија моментално е член на португалската Бенфика и има куќа на периферијата на споменатиот град, додека пораките се појавија на влезот во приватната населба во која живее искусниот фудбалер и неговото семејство.

– Кажете му на вашиот син Анхел да не се враќа во Росарио бидејќи некој од вашето семејство ќе го загуби животот. Ниту Пулјаро (аргентински политичар) нема да ве спаси. Не оставаме никаква порака зад нас. Зад нас остануваат куршуми и тела – се вели во пораката за која се верува дека ја оставил нарко картел.

Росарио неодамна имаше многу проблеми со криминалот, а подоцна картелот доби одговор од клубот Росарио Централ Атлетико.

– Се чувствуваме навредени, оштетени и повредени бидејќи ваквите насилни дејствија директно ја напаѓаат економијата и спортскиот успех на клубовите. Не, не може да се дозволи да ги заплашуваат фудбалерите или да ги напаѓаат нив и нивните семејства кои се главни протагонисти на спортските настани, ниту да се дозволи насилство врз кој било актер во фудбалското семејство“.

??| NEW: Ángel Di María's parents and sister have suffered threats from a cartel in Rosario.

The message conveyed was: "Tell your son Ángel not to return to Rosario, because otherwise we will ruin everything by killing a family member. Not even [Santa Fé governor] Pullaro… pic.twitter.com/Sgp7CENniB

— CentreGoals. (@centregoals) March 26, 2024