Трите девојчиња кои денеска беа удрени од такси возило на улица Христијан Тодоровски Карпош во Чаир се во стабилна состојба. Две од нив најверојатно ќе треба да се оперираат, додека едната се очекува во текот на денот да биде пуштена дома.

-Денеска, околу 11.20 часот се примени три пациенти на возраст од 12 и 13 години. Една од повредените е хоспитализирана во оделот за анистезија, реанимација и интензивно лекување, додека другите две се однесени за лекувањео во Детската клиника. Трите пациенти во моментот се во стабилна состојба. Поради скршеници, две од нив најверојатно ќе бидат оперирани. Една е полесно повредена и во следните часови може да биде пуштена на домашно лекување – изјави директорот на Ургентниот центар, д-р Алберт Леши.

Девојчињата беа удрени од такси возило. Возачот е приведен во полициска станица.