Вечерва околу 19 часот возач со автомобил прегазил и повредил девојче на скопскиот булевар „Партизански одреди“ кај „Сити мол“.

„Во СВР Скопје е пријавено дека на булеварот „Партизански Одреди” во Скопје патничко возило „мини морис” со скопски регистарски таблици, управувано од Л. Т. (19) од Скопје удрило во пешакот О.П.. По несреќата, пешакот е пренесен во ГОБ „8 Септември” за укажување лекарска помош. Во тек е увид“, информираа од Министерството за внатрешни работи.

Во јануари, дваесет и двегодишната Фросина Кулакова од Неготино загина на „Партизанска“ кога во неа удри „Пежо 207“ кое со огромна брзина го возеше 20-годишниот Васил Јованов, под дејство на алкохол и без возачка дозвола. На „Партизанска“ кај „Сити Мол“ во 2022 година беше прегазена и животот го загуби Викторија Николова од Радовиш.