Ново детско игралиште наскоро ќе добијат децата околу ТЦ „Зебра“ во Капиштец. Денеска ќе започне и поставување на реквизитите на местото на постоечкото, па игралиштето извесен период нема да биде во функција. Станува збор за  7  нови реквизити вклучувајќи и нова гумена подлога.

Во ек на летните одмори и високите температури кога детските игралишта се празни почнуваме со промена на новите реквизити на веќе руинираното детско игралиште кои ќе значат и нова радост за нашите дечиња. Затоа замолувам на трпение кај родителите и децата со цел детската игра побрзо да продолжи, вели градоначалникот Горан Герасимовски.

Општина Центар информира дека новото детско игралиште е донација од општествено одговорна компанија, која Општината ја прифати на 26-та седница на Советот. Градоначалникот Герасимовски  ги повикува останатите компании да донираат во проекти кои придонесуваат за правилен детски развој и социјализација на децата.