Десетици луѓе загинале во вчерашните жестоки израелски воздушни напади во Газа. Бомбите погодиле неколки куќи и повеќекатна зграда во местото Бејт Лахја.

Хамас објави дека се убиени 73 луѓе. Локалните здравствени власти објавија дека има многу жртви и дека се прават напори за извлекување на затрупани луѓе.

Израелските одбранбени сили објавија дека „го разгледуваат инцидентот“ и дека наведениот биланс жртви „веројатно е претеран“.

Во други израелски напади во Газа во текот на саботата загинале вкупно 35 луѓе низ целата палестинска енклава. Извори од Газа истакнаа дека израелските копнени сили ја заостриле опсадата на бегалскиот камп Џабалија, но и дека нови формации со тенкови се приближиле кон Бејт Ханун и Бејт Лахја.

Израелските сили објавија дека во овие места се испратени предупредување до цивилите да се оддалечат од борците на Хамас.