Вицепремиерот и министер за животна средина и просторно планирање, Изет Меџити, денеска изјави дека деновиве се очекува да бидат готови резултатите од инспекцискиот надзор на депонијата „Вардариште“.

– Веќе е испратен Инспекторатот на терен и ги чекаме резултатите. Врз основа на тоа, ќе одговориме, рече Меџити одговарајќи на новинарско прашање.

Жителите на скопските општини Аеродром и Лисиче веќе неколку дена протестираат од 18 часот, барајќи решавање на проблемот со депонијата, од каде, како што тврдат, се шири чад и отровна миризба.

Дивата депонија „Вардариште“ деновиве беше и тема меѓу кандидатите за градоначалници на Скопје, кои нудеа свои решенија за надминување на проблемот.