Денеска на Летните олимписки игри во Париз имаме двајца македонски учесници, тие се Владимир Егоров во борење слободен стил и Милјана Рељиќ во таеквондо.

Како што информираат од Македонскиот олимписки комитет (МОК), Егоров во категоријата до 57 кг. околу 11.30 часот ќе се бори против Аман Шерават од Индија.

– Како за секој спортист така и за мене врв во кариера е да се учествува на Олимпијада. Покрај сите резултати што ги имам зад мене, посакувам да ја збогатам мојата колекција и со некој медал од Олимпијадата – вели Егоров.

Рељиќ во категоријата до 57 кг во првото коло за противничка ја има двократната олимписка шампионка Џејд Џонс од Велика Британија.

МОК на Егоров и Рељиќ им посакува успешни борби и пласман во следните рунди.