Џафар Бабаеи, роден во 1970 година во Техеран, Иран. Тој е автор кој од рана возраст го привлекува духовното искуство и потрагата за разбирање на невидливите сили што го формираат човековиот живот. Неговото животно патување е насочено кон истражување на длабоките значења на универзумот, што го водело низ различни учења и духовни искуства. Книгите на Бабаеи се резултат на години на барање на мудрост и учење, претставувајќи размислувања кои се врзани за божественото присуство и разликите на духовните патувања.

Џафар Бабаеи ја прифаќа својата улога како писател со гордост, изразувајќи се со длабочина и мудрост, со теми што влијаат на човечката душа и нејзиното постоење. Тој е автор на повеќе научни трудови и книги меѓу кои „Вирусот на лутината и што тој им прави на нашите тела”, “Душата, раскошот измешан со телото- КИАН”, “Жените како ривали бранови од земјата”, “Суштината на судбината”,”Органско воспитување”.

На денешната прес-конференција пред скопската публика, Бабаеи како автор на бројни научни трудови ги представи своите книги и фокусот помеѓу човечкото тело и општеството, како и го најави настанот „Ден надвор од времето“ кој ќе се оддржи во четврток на 25.07.2024, во Куршумли Ан со почеток во 21 часот каде Бабаеи ќе дебитира пред македонската публика,за духовноста и личниот развој, за индивидуалното и колективното, поставувајќи ги како важни аспекти за разбирање на функционирањето на современото општество.

Доколку сакате да ја искусите магијата на комбинацијата на различните изрази на уметноста, мудроста, духовноста, убавата енергија, литературата и музичките вибрации, на настанот ќе гостуваат Џијан Емин, Magical Orchestra, Schlich и Ogi Uzun.
Настанот е организиран од страна на „Центарот за Биоинформaтика“ – Ревит и блиските пријатели на Бабаеи.