Благодарение на вештите раце и инвентивноста на младата Стефанија Несторовска што стои зад инстаграм-профилот и блогот snestorovska.com, секогаш имаме можност да пробаме нешто интересно и несекојдневно. Денеска уживајте во неповторливиот вкус на овој десерт – лешник трафлс (сирови).

Состојки:

• 1+1/4 шолја (170 грама) лешници
• 1/3 шолја (40 грама) какао во прав
• малку сол
• 1/3 шолја (100 грама) јаворов сируп
• малку ванила, по желба
• 9-10 лешници
За топонг:
• 1/2 шолја чоколит чип (85 грама) или 1 цело црно чоколадо исечкано на ситно
• 1 лажичка кокосово масло
• 1/2 шолја (70 грама) лешници, ситно изблендирани

Подготовка:

1. Се загрева рерната на 160 степени и на хартија за печење се додаваат лешниците. Се потпекуваат 10-ина минути, но внимателно проверувајте ги зошто брзо горат.
2. Се додаваат во блендер и се сомелуваат на ситно.
3. Се додаваат мелените лешници во сад заедно со какаото и малку сол. Се промешува.
4. На оваа смеса се додава јаворовиот сируп и ванилата ако ја користите и убаво се промешува додека смесата не се соедини. Смесата треба да биде лесно оформлива и растеглива.
5. Се формираат 9-10 топчиња од смесата и во секое топче се додава во едно цело лешниче. Се оставаат бомбиците во фрижидер додека го подготвуваме топингот.
6. Во мало тенџере на многу ниска температура се додаваат чоколадото и кокосовото масло. Се остава да се растопи со повремено мешање.
7. Сите бомбици се топат во чоколадото, па потоа во мелените лешници. Се оставаат во фрижидер (или замрзнувач) да се зацврстат (околу 30тина минути).
8. Може да се консумираат веднаш или, пак, чувајте во затворен, стаклен сад во фрижидер до 10 дена или во замрзнувач до 2 месеца.