Дел од компаниите во земјава кои имаат бензиски пумпи се воени профитери, изјави попладнево премиерот Димитар Ковачевски.

Тој пред новинарите посочи дека нафта има, без да спомене количества и временски рокови. Според него, кризата постои, но Македонија се справува со неа.

Ковачевски уште еднаш им порача ма граѓаните да не паничат.

„Тоа вчера беше направено од помали продавачи на нафтени деривати кои ограничија колични од шпекулативни причини што јас го израмнувам со воено профитерство. Проблем со нафтени деривати нема да има. Во однос на економските движења, Европа и светот, особено Европа е во една во најголема криза, а тоа го покажуваат движењата на берзите на стоки. Владата е посветена на одржување на стабилна фискална политика. Воведуваме нова методологија на пензии, со тоа го потврдуваме ова. Стоковите резерви се на ниво кога обезбедуваат непречено храна“, рече Ковачевски.