Актерот Дејвид Хаселхоф, најпознат по улогата во познатата серија „Чувари на плажата“ (Baywatch), не присуствуваше на погребот на неговата поранешна сопруга Памела Бах во понеделникот во Презвитеријанската црква Бел Ер, пишува „ТМЗ“.

Неговата поранешна сопруга изврши самоубиство на почетокот на март оваа година, на возраст од 61 година.

Памела, која глумеше во истоимената серија со нејзиниот тогашен сопруг Дејвид, беше пронајдена мртва од прострелна рана која сама си ја нанела, во нејзиниот дом во Холивуд Хилс на 5 март.

Околу 150 луѓе присуствувале на погребот, на кој нејзините две ќерки Тејлор и Хејли одржале говор.

Што всушност се случило?

Болничарите биле повикани во домот на Памела по пријава дека во домот има жена во несвест, нешто по 22 часот. Кога пристигнале таму нашле страшна глетка.

Набргу потоа актерот зборуваше за медиумите за немилиот инцидент.

„Благодарни сме за сета љубов и поддршка во ова тешко време, но љубезно бараме приватност додека тагуваме и поминуваме низ ова време полно со предизвици. Нашето семејство е длабоко тажно поради неодамнешната смрт на Памела Хаселхоф“, изјави актерот.

Потсетуваме, Памела Бах Хаселхоф се прослави со улогите во серијата „Чувари на плажата“, а со Хаселхоф мина 17 години во брак, во кои добија две ќерки – Тејлор (34) и Хејли (32). Нејзината последна објава беше на Инстаграм на 31 декември 2024 година, кога зборуваше за нејзиниот внук Лондон, кој нејзината ќерка Тејлор го има од бракот со Медисон Фиори.