Денеска на задолжителното изборно собрание за избор на претседател на Федерацијата по прегледување на сите точки од дневниот ред, по извештајот за четиригодишната работа на досегашниот претседател, по сите критики и пофалби се донесе одлука мандатот на досегашниот претседател Дејан Богданов да биде продолжен.

Како што објавија од федерацијата, правилниот начин на работа, многу труд, коректноста, жртвата за Боречката Федерација, но и за управниот одбор, тренерите, спортските работници како и спортистите и спортистките на досегашниот претседател Дејан Богданов излегоа на виделина.

– Сакам да се заблагодарам најпрво на сите членови на Федерацијата во сите сектори како и на сите поддржувачи на спортот.

Најголема благодарност до Министерството за Спорт особено на Министерот Борко Ристовски, за целата поддршка изминатите четири години и се радувам на продолжување на соработката.

Благодарност до сите спонзори без кој напредокот ќе беше невозможен. Среќни и успешни уште 4 години работа – стои во објавата на Богданов.