Хрватскиот пејач Петар Грашо во интревју за „ИнМагазин“ рече дека 2024 година најмногу ќе ја памети по раѓањето на второто дете, синот Тони, а со искрен и малку хумористичен тон, откри и како изгледала празничната атмосфера во неговото семејство за Божиќ.

„Божиќ во семејството Грашо е секогаш убав и многу хаотичен. Значи, јас како некоја пејачка ѕвезда треба да измислувам и да кажам дека сите се собираме околу масата, дека е тивко, дека музиката свири. Хаос (се смее), едно дете плаче, друго дете плаче, сестра ми дојде со две кучиња. Така Божиќ беше сè само не мирен, но беше среќен и бевме заедно, сите заедно и уживавме. Пиевме вино, слушавме божиќни песни“, откри тој.

Инаку, Петар работно ја дочека новата година, пеејќи во Пула. Неодамна, пак, тој одржа концерт и во Макарска, токму на денот кога неговата сопруга Хана го прослави својот 34-ти роденден. Како што откри, од Словенија бил на пат за Макарска, па скршнал од патот да ја види сопругата и да ја прегрне за роденденот. Тие уживале во заедничкиот ручек и во краткото, но слатко време поминато заедно.

Инаку, Хана Хуљиќ Грашо неодамна ги изненади своите следбеници на Инстаграм со емотивна фотографија на која за првпат позира со своите две деца – двегодишната Алба и тримесечниот Тони.

Петар Грашо за татковството: „Моите деца ќе бидат мамини, јас воопшто не сум дома“