Документарната мини-серија „Кралицата Клеопатра“ (Queen Cleopatra) на Netflix добива рекордно ниски оценки, покрај лошите критики кои ја следат уште по најавата на серијата. Остварувањето се појави на Netflix на 10 мај.

На интернет-страницата за оценување телевизиски и киноостварувања, „Ротен томатос“, 10 отсто од критиката и само два насто од гледачите го препорачуваат документарецот.

На семрежната база на филмски податоци – ИМДБ, од вкупно над 47.000 оценувачи, серијата има оценка 1,1/10.

Серијата и пред премиерата навлече критики, најмногу поради изборот на глумица за насловната улога – Адел Џејмс, која е со делумно африканско црнечко потекло.

Египетскиот адвокат Махмуд ал Семари поднесе тужба против компанијата Netflix за кршење на законите за медиуми и обид да го „избрише египетскиот идентитет“, а најпознатиот египетски археолог инсистира дека Клеопатра имала „бледа кожа, а не црна“. И продуцентите на документарната драма велат дека потеклото на Клеопатра е сомнително.

Родена во Александрија во 69 година п.н.е., Клеопатра Седма била последната владетелка од династијата на Птоломеј Први, генералот на Александар Македонски. Таа на престолот го наследила нејзиниот татко Птоломеј Дванаесетти и владеела од 51. година п.н.е. и владееше до нејзината смрт во 30. година пр.н.е. Потоа, Египет потпаднал под римска доминација.

Припадниците на Птоломејската династија, говореле повеќе јазици, според Плутарх, меѓу коишто и древномакедонски, старогрчки, но и сириски, медски, етиопски јазик, а самата таа знаела најмалку девет јазици и била меѓу ретките владетели од Птолемаидите кои научиле и древноегипетски јазик.

Не престануваат нападите поради црната Клеопатра, има барање да се блокира Нетфликс во Египет