Давид де Хеа ја одби понудата на Манчестер јунајтед да потпише нов договор кој ќе му носи 350.000 фунти неделно и на раководството му стави до знаење дека доколку ова лето не биде продаден, тогаш во наредната година ќе го напушти „Олд трафорд“.

Имено, голманот на шпанската репрезентација не верува дека клубот може да состави тим со кој ќе се вклучи во трката за титулите и одлучен е во намерата да си замине од Манчестер јунајтед.

Меѓутоа, англискиот тим нема намера да му дозволи на Де Хеа да си замине без обесштетување и подготвени се да седнат на маса со ПСЖ доколку „светците“ понудат 80 милиони евра. Засега, оваа сума е неприфатлива за ПСЖ кој е спремен да плати највеќе 60 милиони евра за голманот на кого договорот му истекува идната година.