Барате некој лесен и освежителен десерт кој е погоден за овој период од годината? Од кујната на Давор успеавме да извлечеме едно ново слатко задоволство на кое ќе му се израдуваат сите членови од семејството.

Овој вкусен колач е лесен за подготовка, а ќе ви помогне да се засладувате во текот на целата недела.

Не чекајте, направете го уште денес и уживајте во неговиот вкус.

Потребни состојки:

За кората:

6 белки
50 г шеќер
50 г мелени ореви
50 г мелени бисквити
опционално – 1 лажичка ванила

За филот:

6 жолчки
1 пудинг од ванила
2 лажици брашно
600 мл. Млеко
250 г путер
100 г шеќер во прав
1 лажичка екстракт од ванила
Слатко од дуња по желба.
250 мл. Слатка павлака

Во длабок сад изматете ги белките со шеќерот во цврст шлаг. Додадете ги мелените ореви и бисквити. Претурете ја смесата за пандишпан во правоаголно тавче обложено со хартија. Печете на 180 степени околу 20-25 минути.

За филот, изматете ги жолчките пудингот,брашното, млекото и ванилата заедно и готврте додека не се згусне. Покријте со хартија за свежа храна и оставете да се олади комплетно филот.

Потоа изматете го путерот и шеќерот во прав и полека додавајте од изладениот пудинг. (путерот и пудингот треба да се на иста температура за да може лесно да се спои смесата).

На изладениот пандишпан нанесете го вака подготвениот фил и оставете да се излади во ладилник околу 1 час.

Нанесете тенок слој од слатко и изматен шлаг.

Оставете да се стегне убаво, а за тоа време исечкајте јагоди или друго овошје и наредете го врз шлагот. Оставете да се стегне и пресечете парчиња.

Добар апетит и забавно готвењe, ви порачува Давор!