Македонскиот атлетичар Дарио Ивановски триумфираше на денешниот полумаратон во Дубровник, Хрватска.

Нашиот натпреварувач го освои првото место со рекорд на патеката од еден час, осум минути и две секунди.

На втората позиција Жељко Кота од Хрватска (1:14.26), пред третопласираниот Јакуб Галасиевич од Полска (1:15.21).

Во женска конкуренција победничка е Блетнејд Патон од Ирска (1:31.52), пред Тијана Кабиќ од Србија (1:35.16), а на третата позиција е Ливе Гјесдал Нилсон од Норвешка (1:36.12).

Дубровничките денови на трчање овој викенд собраа повеќе од 2.000 тркачи од целиот свет, а околу 800 волонтери учествуваа во организацијата.