Денеска во натпреварот за третото место на Светското ракометно првенство во женска сениорска конкуренција репрезентацијата на Данска со 28:27 триумфираше над Шведска.

Во победничките редови по пет голови имаа Мете Хансен, Јоргенсен и Хојлунд.

На спротивната страна по седум погодоци запишаа Мелегард и Блом на теренот во Хернинг.

За Данска ова е четврта бронза во нејзината историја на Мундијалите, претходно три ги освои во 1995, 2013 и 2021 година.

Претходно во борбата за седмото место Црна Гора беше подобра од Чешка со 28:24, а петтопласирана е Холандија која со 30:26 ја совлада Германија.

Од 19.00 часот ќе се игра финалето на СП меѓу селекциите на Франција и Норвешка.