Епидемиологот Драган Даниловски во емисијата „10 Минути“ на ТВ21 порача дека тој дефинитивно не е за задолжителна вакцинација кога знаеме дека има многу граѓани кои прележале.

„Како тоа тој што прележал и плус е вакциниран со две дози да му барате да биде задолжително и трета доза да стават, тоа е нон сенс. Дефинитивно за тие помладите со две дози нема зошто и третата да им се инсистира“, вели Даниловски.

„Подваријантата „Стелт“ на сојот Омикрон сигурно ќе стане подоминантен затоа што е околу 30% е позаразен од оригиналниот Омикрон, но ништо страшно нема да настане“, истакна тој.

Според него, овој сој не предизвикува потешка клиничка слика, односно ист е како омикронот.

Тој смета дека ковид-сертификатите треба да се укинат под итно.

-Знаеме дека вакцините не штитат од заразувањето, а посебно што цвета бизнисот со фалсификати. Неприфатливо е што со стручно-неисправна и бесмислена мерка да се инсистира да се зголеми опфатот со вакцинација. Тоа е бесмислено, потенцира докторот.

Даниловски е скептичен за резултатите од скринингот што се прави на неколку локации низ Скопје, бидејќи според него, не се проведува пропорционални и систематски.

-Не може по случаен избор да се собираат граѓани. Вака ова ѓутуре се вели народски, како кога се прават анкети за политички и разно разни работи. Аматерски е, вели Даниловски, додавајќи дека покрај Скопје како најголема територијална единица, има и други населени места сите имаат разлилна големина и треба пропорционално да се собере одрреден број граѓани за тестирање од секоја од тие територијални единици.