Хрватската фудбалска репрезентација ја освои бронзата на Светското првенство во Катар. „Коцкестите“ го совладаа Мароко со 2:1 и го обезбедија третото место, нивно второ во историјата на Мундијалите.

Златко Далиќ, селекторот на Хрватите, по натпреварот застана пред камера и ги сподели своите први впечатоци. Далиќ победата му ја посвети на поранешниот селектор на Хрватска, Мирослав Чиро Блажевиќ со која селекцијата беше бронзена и во 1998 година.

– Навистина, ова е бронза, но за нас има златен сјај, победивме, еден тежок натпревар. Ова е медал за целиот наш народ, кој нè сака. Ова е одлично, два првенства, два медали, честитки за моите играчи. Победата му ја посветувам на еден човек, тоа е Чиро, шефе, ова е за тебе, ова е твојот медал, јас можам да освојам пет медали, но тој е тренер на сите тренери – рече Далиќ.

Хрватска на овој Мундијал победија на четири натпревари, двапати ремизираа и само еднаш загубија од Франција во полуфиналето.

– Малкумина очекуваа, четворица играчи од хрватската лига го започнаа натпреварот (против Мароко). Сите го дадоа својот максимум, за мене овој наш бронзен медал е вистинско злато, освојувањето медал на вакво натпреварување е одлично за нашата нација, ретко кој може да направи го тоа – се зборовите на Далиќ.