Мислевте дека знаете сè што треба да знаете за култната серија „Пријатели“?

Генерации пораснаа гледајќи ја познатата серија „Пријатели“, која почна да се емитува во далечната 1994 година и траеше цели десет години. Еден од главните ликови беше Фиби Буфе, која ја играше Лиза Кудроу. Нејзината улога во оваа серија и донесе огромна популарност.

Многу тајни од серијата беа откриени дури години подоцна. Имено, многумина дури сега откриваат дека Лиза Кудроу не глумела секогаш сама во сцените во кои нејзините два лика, сестрите близначки Фиби и Урсула, биле заедно. Со неа во тоа време била и сестрата на Лиза, Хелен, која служела како двојничка, пишува „Јунилад“.

Кога креаторите на „Пријатели“ решиле да ја вклучат Урсула во нивната серија (таа се појави во осум епизоди), се појавил уникатен продукциски предизвик. И, тука влезе Хелен. Сестрите Кудроу во реалниот живот не се близначки – Хелен е четири години постара од Лиза. Сепак, тие две изгледаа неверојатно слично во 90-тите, што овозможи да се олесни снимањето.

За сцените каде Фиби и Урсула се заедно на екранот, режисерите го користеа класичниот метод на поделен екран. Хелен би ја глумела едната од сестрите (најчесто Урсула) одзади, а потоа Лиза би ја снимила истата сцена додека ја играла другата сестра. Подоцна, продуцентскиот тим ги спојувал овие сцени за да создаде илузија дека двете сестри се заедно.

Хелен е многу повоздржана од Лиза, па нејзиниот имиџ не може да се најде ниту на папарацо фотографиите на двете сестри.

Патем, близначката на Фиби, Урсула, исто така беше лик од друга ТВ серија, Луд за тебе, која се емитуваше од 1992 до 1999 година (се преклопуваше со Пријатели). Урсула секогаш беше спротивна од љубезната и весела Фиби во серијата – беше ладна, пресметлива и често ја користеше добродушната природа на нејзината сестра.