ПВЦ столаријата, особено прозорците и вратите, се сѐ почест избор бидејќи полесно се прилагодуваат и подобро ја одржуваат температурата во станот. Меѓутоа, за време на склопувањето, мајсторите забораваат да споменат две важни ставки, кои секако ќе ви бидат корисни оваа зима.

Иако тоа е едноставна работа, многу луѓе не знаат или забораваат дека подмачкувањето е решение за чкрипењето на рачките или механизмите и слабата адхезија на прозорците. Ако редовно го одржувате прозорецот, нема да морате често да викате мајстори, пренесува магазинот „Сити“ (City).

Металните делови како што се шарките, бравите и системите за заклучување, како и сите подвижни делови на прозорецот, треба да се одржуваат со периодично чистење и подмачкување со специјално масло, најмалку еднаш годишно.

Не ви требаат мајстори за да ги постават вашите врати и прозорци на „зимски“ режим на есен, а на „летен“ режим на пролет. Едноставно отворете го стаклото на прозорецот (или балконот) и пронајдете ја завртката од страната каде што е рачката и прилагодете ја со имбус клуч.

Свртете ја завртката од страната на шарката навнатре, што ја регулира силата на притисок на рамката на прозорецот,

За време на инсталацијата, мајсторите обично го оставаат прозорецот во “стандарден”, среден “режим”. Ако не сте сигурни во кој „режим“ се вашите прозорци и врати во моментов, едноставно стиснете лист хартија меѓу вратата или прозорот. Ако можете лесно да го отстраните, тие се поставени на „лето“, но ако се заглави, тогаш се поставени на „ зимски режим“.

Сепак, внимавајте, не се препорачува да ги оставате прозорците и вратите во „зимски режим“ во текот на целата година бидејќи оптоварувањето на гумата на рамката значително се зголемува, па таа брзо ќе се истроши и ќе мора да ги замените деловите на прозорецот.