Фото: Instagram/ grandegyptianmuseums

Дали проклетството на гробот на Тутанкамон може да биде предизвикано од габи?

Серијата смртни случаи што следеа по влегувањето на археолошки тимови, предводен од Хауард Картер, во гробницата на египетскиот владетел Тутанкамон го поттикнаа митот за проклетството на фараонот. Еден век подоцна, научниците сè уште се збунети околу причината за смртта на некои посетители на гробницата, а најновите анализи покажуваат дека „виновникот“ можеби ќе го најдеме меѓу габите, пишува „Бизнис инсајдер“.

Во далечната 1922 година, британскиот археолог Хауард Картер го пронашол она што го барал шест години – гробницата на кралот Тутанкамон.

Фото: Instagram/ egyptian.museum

Пронајден е во Долината на кралевите кај Луксор, во Египет, а богатството во него и денес, по повеќе од еден век, се смета за едно од најфасцинантните археолошки наоди.

Сепак, славата на Картер имаше висока цена – на денот кога археологот ја отвори гробницата, змија му го уби канаринецот. Некои членови на тимот, Египќаните, го сметаа тоа како „предупредување од духот на починатиот крал против понатамошно упад во приватноста на неговиот гроб“.

Гласините за проклетството на мумијата продолжиле да се шират, што дополнително се интензивирале кога луѓето поврзани со ископувањето почнале да умираат.

Меѓутоа, како што минуваа децениите и повеќе членови на тимот на Картер умреа, научниците почнаа да се прашуваа дали има рационално објаснување за ова.

Гробницата на Тутанкамон и првата смрт припишана на проклетството

Во април 1923 година, Џорџ Херберт, петтиот гроф од Карнарвон, бил во болница во Каиро, страдајќи од силна кашлица и треска. Кога починал на 5 април, светлата на градот се изгаснале.

Во домот на Ерл од Карнарвон, во Хемпшир, Англија, кучето Сузи умрело неколку часа откако неговата сопственичка починала на друг континент. Како причина за смртта на грофот, била наведена пневмонија, предизвикана од инфекција која настанала, откако грофот се пресекол на местото на каснување од инсект додека се бричел.

Фото: Instagram/ grandegyptianmuseums

Неколку месеци претходно, грофот присуствувал на отворањето на гробот на Тутанкамон, па почнале да кружат приказни за неговата смрт, како дел од големото проклетство.

Ден по смртта на Карнарвон, весникот „Њујорк тајмс“ го цитирал славниот спиритуалист и творецот на Шерлок Холмс, Сер Артур Конан Дојл, кој рекол дека „злобен дух можеби ја предизвикал фаталната болест на Ерл од Карнарвон“.

Меѓутоа, во исто време, Сер Ернест А. Волис Баџ од Британскиот музеј, ја опишал теоријата на проклетство како „глупост“.

Проклетството на Тутанкамон и серија смртни случаи

Гласините за проклетство продолжиле кога американскиот финансиер Џорџ Џ. Гулд починал во мај 1923 година, исто така од пневмонија, само неколку месеци по посетата на гробницата.

Истата година, Филип Ливингстон По, братучед на Едгар Алан По, исто така заболел од пневмонија неколку месеци по посетата на гробницата. Неговата болест стана насловна вест и беше поврзана со „проклетството на мумиите“, иако тој живеел 47 години подоцна.

Фото: Instagram/ grandegyptianmuseums

Кога Ричард Бетел, секретарот на Хауард Картер, починал во 1929 година, различни извештаи тврделе дека тоа е деветта, десетта или тринаесетта смрт што има некаква врска со ископувањето на гробот.

Вкупно, бројот на смртни случаи што медиумите го припишуваат на проклетството се движел од девет до над 20, во зависност од тоа дали се вклучени посетителите на гробницата и роднините на членовите на тимот за ископување.

Широкиот опсег на смртни случаи што му се припишуваат на проклетството ги вклучуваше оние кои загинале и во сообраќајни несреќи, престрелки, пожари во куќи и оние кои си ги одземале животите. Но, некои никогаш не го посетиле гробот и биле поврзани само со некој што го посетил.

И покрај огромниот интерес на западните медиуми за проклетството на фараонот, многу ретко западните весници известуваа за смртта на Египќаните.

Еден од ретките бил Али Камел Фахми, кој наводно ја посетил гробницата. Фахми бил убиен од неговата сопруга во хотелот Савој во Лондон во 1923 година, а потоа следело сензационално судење.

Фото: Instagram/ grandegyptianmuseums

Десетици египетски работници учествуваа во ископувањето на гробницата на Тутанкамон. Бидејќи Картер никогаш не ги именувал повеќето од нив во своите белешки, а тие ретко биле спомнати во печатот, тешко е да се знае како работата со стотици години стара прашина и урнатини влијаела на нивното здравје.

Проклетството на габите?

Како што минуваа децениите, некои научници се прашуваа дали нешто смртоносно се крие во гробницата на Тутанкамон.

Во 2003 година, двајца лекари објавија писмо во Лансет, во кое се наведува дека „аспергилус“, вообичаена мувла, може да биде причина за болеста на Ерл од Карнарвон.

Аспергилозата може да предизвика кашлање, отежнато дишење, но е посериозна за оние со ослабен имунолошки систем. Ерл од Карнарвон првично почнал да го посетува Египет, откако во сообраќајна несреќа во 1903 година му ги оштетила белите дробови, што би го направило особено подложен на мувла.

За потребите на студијата од 2013 година, истражувачите од Универзитетот Харвард анализираа кафеави дамки пронајдени на ѕидовите на гробницата на Тутанкамон, кои исто така беа снимени кога Картер ја отворил гробницата.

Фото: Instagram/ grandegyptianmuseums

Микробиолозите сакаа да утврдат дали габите или другите микроби се причина за дамките и дали тие претставуваат опасност по здравјето на посетителите. Иако анализата откри докази за присуство на колонии на габи и бактерии, тие повеќе не биле „активни“ и како такви не претставувале закана за посетителите.

Невозможно е да се каже дали „аспергилус“ или која било друга габа придонела за смртта на Ерл од Карнарвон или Џорџ Џеј Гулд.

Денес, археолозите носат ракавици, маски и понекогаш заштитна облека за еднократна употреба за да се заштитат од мувла и габи.

Фото: Instagram/ grandegyptianmuseums

Можеби најчестото објаснување за проклетството го дал Френк МекКланахан, лекарот кој го лекувал грофот од Карнарвон за време на неговата болест во Луксор, кој рекол дека бројот на смртни случаи е многу мал дел од мноштвото луѓе кои ја посетиле гробницата.

Тој уште во 1972 година изјавил дека, археолозите од целиот свет постојано доаѓале и си оделе. Па, ако се земе предвид некоја голема група на луѓе и се провери подоцна, сигурно ќе има одреден процент на смртни случаи меѓу нив.

Лицето на Тутанкамон по повеќе од 3.300 години научнo реконструирано

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот