Обожавателите на Шрек можат да се радуваат затоа што петтиот дел од филмот е официјално во подготовка. Се очекува кината да бидат преполни кога ќе се појави на големото платно на Бадник во 2026 година.

Но, додека не ја добиеме конечната верзија на филмот, ќе мора трпеливо да ги чекаме трејлерите кои „DreamWorks“ претпазливо ги објавува. Првиот ваков трејлер пристигна минатата недела, а веќе предизвика бурни реакции кај фановите.

Една од главните причини за поделените мислења е променетиот изглед на некои од омилените анимирани ликови. Но, уште поголема полемика предизвика ликот на ќерката на Шрек, која се појавува во трејлерот. Според достапните информации, ликот го игра познатата актерка Зендаја, а многумина претпоставуваа дека таа е Фелисија – единственото женско дете на Шрек и Фиона.

Проблем со бојата на очите

Сепак, внимателните обожаватели шпекулираат дека продуцентите можеби имаат поинаков план за овој лик. Долгогодишните обожаватели на серијата знаат дека во третиот дел, Шрек и Фиона станаа родители на тројка – Фергус, Фаркл и Фелисија кои се родени во 2007 година.

Во оригиналните филмови, Фелисија имала сини очи, додека нејзините браќа имаа кафени очи. Но, во новиот трејлер, ликот на Зендаја ги има истите кафени очи како и нејзините браќа, што ги збуни гледачите и поттикна теории за можна промена на идентитетот на ликот.

either they gave her brown contacts or that’s actually shrek’s trans daughter pic.twitter.com/9l3i2w19zI

— stormy ⛈ (@wysps) February 27, 2025

„Можеби ќерката на Шрек ќе биде трансродова“

Еден обожавател на социјалните мрежи напиша:

„Или и дадоа кафени контактни леќи или таа е всушност трансродовата ќерка на Шрек“, додека пак друг додаде, „Без разлика дали е канонска или не, идејата за транс лик во светот на Шрек има смисла, бидејќи главните мотиви на франшизата отсекогаш биле трансформацијата и прифаќањето на сопствениот идентитет“.

Друг коментар ја поддржува оваа теорија:

„Веројатно нема да биде, но Шрек отсекогаш бил приказна за идентитетот и изборот на тоа кои сме и покрај околностите во кои пораснавме. Ова би била совршена франшиза за главниот лик“.

Има и научно објаснување …

Многумина, сепак, ја отфрлија оваа теорија, тврдејќи дека многу деца кои се родени со сини очи подоцна им се менуваат во кафени. Тоа го потврдува и докторот Бартон Кушнер, професор по офталмологија, кој објаснува дека меланинот во ирисот може да ја промени бојата на очите како што расте детето.

„Меланинот не е целосно развиен кај новороденчињата, што резултира со сини очи. Меѓутоа, до деветтиот или дванаесеттиот месец од животот, ако детето е генетски предодредено да има кафени очи, меланинот е целосно развиен и очите ја менуваат бојата“, објасни др. Кушнер.

На крајот, можеби и продуцентите само заборавиле на овој детал

Секако, наједноставното објаснување е дека аниматорите и продуцентите едноставно заборавиле дека Фелисија има сини очи во претходните филмови. На крајот на краиштата, поминаа 15 години од последното продолжение на Шрек. Останува само да ја почекаме премиерата на филмот за да ја дознаеме вистината.