Дали го знаете правилото 15-15? Може значително да ви помогне кога нивото на шеќерот во крвта ќе опадне
Дали знаете што да правите кога ќе ви падне нивото на шеќер во крвта? Применете го правилото 15-15 како брз и ефикасен начин за справување со хипогликемијата.
Препорачано
Хипогликемијата се развива кога едно лице има премногу инсулин во споредба со вредностите на гликозата во крвта. Понекогаш се нарекува и „инсулински шок“.
Почеста е кај дијабетесот тип 1, но може да се појави и кај инсулинско-зависниот тип 2, како и кај луѓе на орална терапија.
Кои се симптомите на хипогликемија?
Најчестиот симптом е силен глад, но може да се појави и слабост, треперење на рацете, зголемено потење, збунетост, неразбирливост, понекогаш луѓето со хипогликемија не можат да ја изговорат реченицата до крај, не можат доволно да размислуваат, може да се појават и проблеми со меморијата, кратко памтење, па сè до губење на свеста, и се тешки хипогликемии.
И тука, се разбира, ништо не може да се стави во устата на пациентот. Во тој случај мора да реагира брза помош, а гликозата се дава интравенски. Ова се сериозни состојби кои бараат и хоспитализација.
Што е правилото 15-15?
Кога ќе почувствувате симптоми на низок шеќер, консумирајте 15 грама јаглехидрати со брзо дејство (на пример, таблети гликоза т.е. декстроза до вкупно 15 г декстроза, 1 лажица мед или 1/2 шолја сок).
Потоа, почекајте 15 минути и повторно проверете го шеќерот во крвта. Ако сè уште е ниско, повторете ја постапката.
Што е тоа што брзо ја зголемува гликозата:
– таблети со гликоза
– овошен сок
– слатки како мед или џем
– газирани пијалаци кои содржат шеќер (недиетални верзии)
Примената на правилото 15-15 може во критичните моменти значително да помогне и да спречи да дојде до кома.
Истражувањата покажуваат дека хипогликемијата не е ретка. Се покажало дека дури 98 отсто од пациентите третирани со инсулин со дијабетес тип 1 имале одредено искуство со хипогликемија.
Хипогликемијата е многу сериозна состојба, бидејќи само еден ненадеен пад на шеќерот во крвта може да предизвика мозочен или срцев удар.
За да се спречи хипогликемија кај пациент со дијабетес, од суштинско значење е пациентот да спроведува самоконтрола, често мерење на нивото на шеќер во крвта и усогласување на нивото на шеќер во крвта со постоечката терапија, во овој случај најчесто со инсулинската терапија, пишува српски „Курир“.
