Познатата актерка Дакота Фенинг неодамна проговори за својот љубовен живот, откривајќи интересен детаљ. 31-годишната ѕвезда моментално е слободна, па затоа пробува нови начини да запознава луѓе, вклучувајќи ги и популарните апликации за запознавање, пишува „Пипл“.

Во ново интервју за „Венити фер“, кое го даде заедно со нејзината сестра Ел, Дакота призна дека се приклучила на ексклузивната апликација за запознавање „Реј“, позната по тоа што ја користат многу познати личности. Нејзината сестра Ел брзо истакна колку е необичен овој потег за Дакота.

„Никогаш порано не го направила тоа. Никогаш“, посочи Ел во списанието, но Дакота брзо ја прекина за да ја објасни својата одлука.

„Го направив за забава. Мојата пријателка ме намести… Помислив, ако не го пробам, тогаш ќе се прашувам“, почна Дакота, а Ел ја заврши реченицата: „Можеби мојот сопруг е таму.“

На што Дакота заклучи со насмевка: „Можам да потврдам дека не е.“

Кога ја прашале дали забележала некои познати колеги или други познати личности на апликацијата, Дакота открила дека искуството не било толку исполнето со ѕвезди како што би се очекувало.

„Сè уште не сум видела многу познати лица“, призна таа. Повеќе од 30 други познати личности јавно проговорија за своите искуства со користењето на апликацијата Raya.