ЦУК: Поплавени куќи, магацини и индустриски објекти по излевање на Маркова Река, мостот помеѓу Горно и Долно Лисиче отворен само за лесни возила
Поради излевањето на Маркова Река, поплавени се куќи, магацини и индустриски објекти во Студеничани, Батинци, Пинтија и Горно Лисиче.
Препорачано
Како што информира Центарот за управување со кризи (ЦУК), до 10 часот, состојбата е стабилизирана со намалено ниво на вода, а ЈКП Комунална интервенирала со чистење на речното корито. Мостот кај Љубош бил привремено затворен, но до 11:15 е пуштен за сообраќај по контрола, со планови за дополнително зацврстување.
Во Општина Аеродром пријавени се поплавен магацин и оштетен коловоз на Булевар „Кузман Јосифовски-Питу“. Мостот меѓу Горно и Долно Лисиче е отворен само за лесни возила.
Во Општина Кисела Вода оштетени се 110 пчелни семејства и сандаци кај Сепарација, поплавен е мебелски салон на Булевар „Борис Трајковски“, а има и нанос на дрвена маса во каналите кај Драчево.
Општина Студеничани пријавила поплавени објекти во Батинци, оштетен е и еден магацин.
Во Општина Чучер Сандево, мостот кон Kучевиште не претставува опасност по направената проверка.
Во последните 24 часа имало вкупно 1.766 повици на Единствениот повикувачки број за итни случаи, од коишто „реални“ повици биле 61,55 %, а 38,45 % биле за други потреби на граѓаните што не биле итни.
Кон Полиција биле упатени 59,62 %, кон Итната медицинска помош 31,44 %, кон пожарникарите 3,79 %, а кон АМСМ 0,27 %.
