Пред Спомен куќата на Мајка Тереза во Скопје денеска ќе бидат претставени резултатите од кампањата на Црвениот крст, „Првата помош спасува живот“, наменета за ученици од основните и средни училишта во земјава.

На настанот, според најавата на организаторите, ќе присуствуваат генералниот секретар на Црвениот крст Саит Саити, заменик министерот за здравство Маја Манојлева, заменик министерот за образование и наука Агим Нухиу и градоначалникот на град Скопје Данела Арсовска.

Саити, во знак на благодарност за досегашната соработка, ќе им врачи благодарници на Министерството за здравство, Министерството за образование и наука и на градоначалничката на Град Скопје Данела Арсовска.

Кампањата беше спроведена од мај 2022 до мај годинава.

Пред Спомен куќата на Мајка Тереза ќе биде одржан и градскиот натпревар по прва помош.