Најдобриот грчки тенисер Стефанос Циципас го освои турнирот од серијата 250 во Мајорка (Шпанија) откако во финалето го совлада домашниот натпреварувач Роберто Баутиста Агут со 6:4, 3:6, 7:6 (2).

Гркот подобро го отвори финалето и еден брејк му беше доволен за да го освои првиот сет.

Во вториот Циципас повторно имаше брејк, но целосно падна во игра и му дозволи на Шпанецот да ја преземе контролата.

Третиот сет – речиси иста приказна. Циципас имаше брејк, но Баутиста Агут го воведе финалето во тај-брејк во кој не можеше да пружи поголем отпор.

Гркот во Шпанија стигна до деветтата титула во кариерата. Турнирот во Мајорка на трева им послужи на играчите како подготовка за Вимблдон кој започнува во понеделник.

Циципас во првото коло ќе игра против Александeр Ришар од Швајцарија, додека ривал на Баутиста Агуту ќе биде Унгарецот Атила Балаш.