Грчкиот тенисер Стефанос Циципас (26) ја прекина соработката со хрватскиот тренер Горан Иванишевиќ по, како што изјави, „краток, но интензивен“ тренерски период, објави денеска „Би-Би-Си“.

Циципас почна да работи со Иванишевиќ во мај, во време кога тој имаше многу слаба серија резултати на грен слем турнирите, победувајќи само на два мечеви во последните четири настапи на најголемите турнири.

Сепак, тој не постигна никаков значаен успех на трева во текот на сезоната, а во првото коло на Вимблдон беше совладан од квалификантот Валентин Роахе откако загуби со 0:2 во сетови.

Иванишевиќ, поранешен шампион на Вимблдон и долгогодишен тренер на Новак Ѓоковиќ, беше исклучително критичен кон физичката подготвеност на грчкиот тенисер.

– Никогаш во животот не сум видел физички по неподготвен играч. Со ова колено, јас сум три пати поподготвен од него. Ова е навистина лошо – беа зборовите на Иванишевиќ по елиминацијата на Циципас од Вимблдон.