Едно шопинг патување во Флорида добил морничав пресврт откако бил откриен човечки череп во една добротворна продавница. Антрополог кој ја разгледувал продавницата во саботата, го забележал черепот и се посомневал дека му припаѓа на човек, изјавија официјални лица. Детективите ја посетиле продавницата и се согласиле дека черепот најверојатно е вистински и му припаѓа на човек.

Сопственикот на продавницата им рекол на истражителите дека черепот бил во складиште откако бил купен пред неколку години, пренесува Би-Би-Си. Полицијата во Норт Форт Мајерс, околу 260 километри северо-западно од Мајами сега го истражува откритието и дополнително ќе го испита черепот. Официјалните лица не веруваат дека случајот е сомнителен.

Според законот на Флорида, „ниту едно лице нема свесно да понуди, да купи или продаде кој било човечки орган или ткиво за вредно внимание“. Статутот ги опфаќа очите, рожниците, бубрезите, црниот дроб, срцата, белите дробови, панкреасот, коските и кожата.

Слично откритие било забележано во Аризона во септември, кога човечки череп бил пронајден во кутија за донации во добротворна продавница Гудвил. Експертите велат дека додека черепот бил човечки, веројатно бил премногу стар и не е поврзан со никакво злосторство.

Иако изненадувачките наоди во Аризона и Флорида можеби звучат морничаво, черепите откриени од истражувачите ги маѓепсаа антрополозите и фрлија светлина врз еволуцијата на човештвото. Во 2019 година, истражувачите откриле речиси целосен череп стар 3,8 милиони години во Етиопија. Тоа откопување било значајно бидејќи черепот му припаѓал на видот од кој се појавиле првите рани луѓе.