Скопската полиција вчера била алармирана дека на автопатот Скопје – Куманово, спроти населбата Хиподром, се случила сообраќајна несреќа помеѓу  возило „опел корса” управувано од Е.Т.(41) од село Долно Коњари, скопско и возило „сеат ибица” управувано од А.С.(44) од Агино село, кумановско.

Во несреќата со тешки телесни повреди се здобила сопатничка од возилото „сеат ибица”, Б.Т.(47) од с.Агино село, а уште една сопатничка од возилото, А.С.(26) од истото село, и двајцата возачи се здобиле со телесни повреди констатирани во Комплексот клиники „Мајка Тереза”. Извршен бил увид од увидна екипа од СВР Скопје.