Ракометарите на Вардар пред два дена загубија на гостувањето во Полска во рамките на Лигата на шампионите, но освен два бода на играчите на Киелце им донесоа главоболки.

Полскиот тим на својата официјална интернет страница објави оти биле информирани од тимот на Вардар дека четворица ракометари на „црвено-црните“ кои играле пред два дена, на тестирањето по средбата биле позитивни на коронавирус. Поради тоа полскиот заминал во задолжителен карантин.

„Со одлука на ПГНИГ Супер-лигата, нашиот гостински натпревар против Ломжа закажан за сабота, нема да се одигра. Киелце денеска доби информација за четири позитивни случаи на коронавирус меѓу играчите на Вардар, против кои игравме на 25 ноември“, објави Киелце.

Вардарци за новите случаи на коронавирус ја известиле и ЕХФ и најверојатно ќе бидат одложени двата наредни натпревари во Лигата на шампионите, против ПСЖ и  Порто на гости