Изминатиот викенд македонскиот џудо клуб „Дрим“ Струга учествуваше на меѓународниот натпревар „Трофеј Пантера 2025“ што се одржа во Бјелина, Босна и Херцеговина.

На овој натпревар учество земаа околу 400 натпреварувачи од 38 клубови.

Како што известуваат од џудо клубот Дрим Струга, четири натпреварувачи успеаја да се закитат со медал.

Злато во категоријата -50 кг. освои Енил Ајдиноски, а во истата категорија сребро има Давид Спироски.

Во категоријата -46 кг., Мунир Ајдиноски дојде до бронза, а во категоријата -48 кг., во женска конкуренција сребро освои Елеонора Јосифоска.

Одлични борби прикажа и Мелек Тала, но не успеа да се закити со медал.